Shillong, Mar 24: AFC Asian Cup 2027 Qualifier Final Round-ko Mongolbar salo India dol, Bangladesh baksa Shillong songjinmani Jawaharlal Nehru Stadium-o kal•susaanggen.
Ia kal•susaani bidingo, India dolni Head Coach Manolo Marquez talate on•angengon, ian Qualifier Final Round-ni skanggipa kal•ani ong•engani gimin India dolna namen gamchatgipa kal•ani ong•enga maina ian bakkandikgipa susaanisa ong•e, nambatgipa dolrangsan qualify ong•aigen ine aganaha.
Group-A-o India baksana Bangladesh, Singapore aro Hong Kong dolrang donga aro ia Group-oni je dolrangan chegipa ong•genchim, ua dolrangsan Saudi Arabia-o ong•atna sienggipa final tournament-o kal•na seokako man•aigen ineba Marquez aganaha.
Sunil Chhetri-ni India dolona re•bapilahani gimin sing•on, Sunil saksa Indian Football-o kal•na changbatgiparangoni saksa ong•a aro kario goal chipbatsranggipaba ong•ahani gimin uni re•bapilaniara India dolna namen namgipa cholrang ong•enga ine Marquez aganaha.
Bangladesh dolni Coach Javier Cabrera-ba apsan daken an•tangni dolna ka•dongchakenganiko parakskaaha.
“Bangladesh dol, batanggimin sal 24-na rakbee ranta ka•anirangko dakaha aro skangona bate namen bilakbataha. India baksa kal•anio chinga chu•sokgipa ong•na ka•dongenga,” ine Cabrera aganaha.
Na·simang ia video-koba nina man·gen:
Na·simang iakoba poraina man·gen: Assam Rifles-ni bilsi 190 gapaniko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
