Shillong, July 8: National Commission for Women (NCW)-ni gital skotong Rekha Sharma, sombar salo, a•songni gipin biaprango donggipa me•chikrangna bate Salgro Salaram jolo donggipa me•chikrang naljokbatgipa ong•a, maina India a•songni Salgro aro a•kawe jolrango donggipa biaprango me•chikrangni kosako bang•a ka•saninggija ba kragija kalakani case segatanirangko nikna gita man•ronga inenba aganangaha.
Salgro Salaram jolo songdongkamgipa me•chikrangna Non-Timber Forest Produce-o pangchake bading chiwalaniko tang•dobatatna gita workshop ong•atanio bak ra•na gita, Sharma Shillong songjinmaona re•baahachim.
Indake ong•genchimoba, me•chikrangni kosako kragija ba ka•saninggija dakgipa kamrangko bon•atna gita a•songni pilak biaprangon me•chikrangko naljokbatatna gita ja•ku de•anirangko dakenga inenba gital skotong aganangaha.
Meghalaya a•doko, me•chikrang aro bi•sarangni case-rang bariroroani a•selde uan bang•bea awareness program-rangko ong•atani a•sel ong•engnaba donga. Maina awareness program-rangko ong•atanichi me•chikrang an•tangna on•gimin bilrangko ma•sienba bang•bata me•chikrangan an•tangtangni kosako kragija dakani bidingo case ba badi ka•anirangko dakna ong•katba•roroengaha ine aganenba, ua awareness program-rangko giproroatna gita dakchakenggipa media-ni manderangko aro ia indakgipa obostarangko komiatna gita dondikpilgija kamrangko ka•enggipa police dolrangko demittele aganangaha.
NCW-ni gita, uamang a•song gimiko National Legal Services Authority-ni gita, me•chikrangna uamangni bilko u•i man•siatna awareness program-rangko ong•atenga ineba ua aganangkuaha.
Bi•sa gnang segri ong•e donggiparangni bidingo, uamang an•tangtangan segri ong•e dongna tik ka•man•aha ong•ode, NCW-ni gita uamang maming badapaaniko dakjawa. Indiba, uamangko segri ong•na gita dra•atako man•aha ong•ode NCW-ni gita ja•ku de•aniko dakgen ineba ua aganangaha.
Non-Timber Forest Produce-o pangchake bading chiwalgiparang ong•na gita dingtang dingtang program-rangni gimin ia workshop-o bak ra•giparangna jamano u•iatgen inenba Sharma u•iatangaha.
Ia jolo songdongkamgipa me•chikrang samna jakkalgipa sambolrang,tourism aro buring bolgrimrangko nirok simsakanirangko dakenba an•tangtangna tangka paisani gita jakgitel ong•ani cholko ra•na man•gen ineba ua aganangkuaha.
Na·simang ia video-koba nina man·gen:
Na·simang iakoba poraina man·gen: JHADC-ni constituency-rangko sualpiltaiani bidingo public hearing-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
