Guwahati, May 8: Pahalgam-o bobil dolrangni chadrapani aro India-ni Pakistan-o donggipa bobil dolrangni ma·chakgipa biaprangko nisigala jaman, sima ari-rango naljokataniko mangrakbatataha. India-Bangladesh sima ari sambao donggipa Assam-ni Sribhumi a·jani Char Bazar-o donggipa nokni nokkingoniko gipin a·songo tarigipa drone-ko man·aha. Jolo donggipa manderang drone-ko nikenba police dolrangna u·iataniko on·ataha, indake police dolrang ta·raken a·damona sokbaenba am·sandianiko a·bachengataha.
A·bachengo am·sandianiko dakanio ia drone Bangladesh-oni re·bana nanga ine chanchichipengon, ian nichokkiani aro niamgri napsrukbaanina jajrengani ong·enga. Ua jolo sildorengrangko bilna champengani gisepon ia drone-ko man·aniara namen dal·begipa chanchina nangani ong·enga ine a·gipibatgipa official saksa u·iataha. Ia sima ari-kode skangnin badingsrukani aro gipin niam pe·ani kamrangna mingsinggipa ong·a.
Ia drone-ara banoni re·baa aro maina iako jakkalengachim uko am·sandina gita Border Security Force (BSF) aro Assam Police dolrang apsan kamrangko ka·enga. U·i-ma·sigipa dolrang, ia drone-koara nichokkina, badingsrukanina ba gipin donue dakgipa kamrangna jakkalgipa ong·ama ong·ja uko nina gita drone-ni bakrangko nianiko dakenga.
Na·simang ia video-koba nina man·gen:
Na·simang iakoba poraina man·gen: Pakistan-ni chadrapna jotton ka·aniko India champengatenba, Lahore-o Air Defence system-ko nisigala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
