Shillong, Feb 8: Sukrobar salo, bongagipa India-Japan Intellectual Conclave ba tom•bimonganiko, Guwahati songjinmao ong•atanio, Meghalaya a•dokni Chief Minister Conrad K Sangma bak ra•angaha aro ia tom•anio, India-ona Japan a•songni Ambassador ong•e re•bagipa ONO Keiichi-ba gipin dilgiparang baksa bak ra•angaha.

Ia tom•anio bak ra•ena skang, a•dokni Chief Minister Conrad K Sangma, Japan a•songni Ambassador ONO Keiichi-ko grongenba, Meghalaya a•dokchi, India aro Japan a•songni nangrimaniko mangrakbatatna chanchirimangaha.

Ia tom•anio Sangma, Japan a•songni Ambassador baksa agangrikengon, Meghalaya a•dokni chadamberangna sanna banani kamrango Japan a•songona re•ange kamrangko ka•e cha•na cholrangko on•ani giminba agangrikangaha.

Salgro salaram a•dokrango dingtang dingtang namroro silroroani kamrangko ka•na gita dakchakanirangko on•engani gimin Sangma, Japan International Cooperation Agency (JICA)-koba mittelpilangaha.

India-Japan Intellectual Conclave-o bakko ra•e, jinmana aganprakangskaengon, India a•songni salgro salaram jolrango economy-ko tang•doatna gita rama jal•langrangni nangchongmotgipa ong•ani gimin Sangma janapangaha.

Garo Hills aro Assam-ko nangdimate rikenggipa Phulbari-Dhubri dolongni gimin janapatengon, ian salgro salaram a•dokrangko, India a•songni gipin bakrangona nangdimeatanio mongsonggipa cholguga ong•e, salgro salaram jolrango namroro silroroaniko ra•bana dakchakani ong•gen ine Chief Minister aganaha.

A•gilsakni gipin a•songrang baksa bading chiwalgrikanio salgro salaram a•dokrangko bakrime kam ka•na nangengani giminba Sangma aganangaha.

Na·simang ia video-koba nina man·gen:

Na·simang iakoba poraina man·gen: Assam, Arunachal Pradesh-ni Namghar Project-na tangka gong kror 5-ko on•anggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub