Shillong, July 18: Bangladesh-o so•so jengjeng ong•a jaman, Meghalaya a•dok sorkari, sambao donggipa a•songoniko a•doko donggipa Dawki land port gita sak 263 chatro chatrirangko naljoke rimbapilna gita man•aha.
Official-rangni u•iatani gitade, ia chu•gimik sak 263 naljokatgiparangoni sak 161-de India-ni ong•a. Unoni sak 63-de Meghalaya a•dokni, sak 95-de Nepal-oni aro sak 7-de Bhutan-oni ong•achim. Indake ia chatro chatrirangkon, Dawki land port gita Meghalaya a•dokona naljoke rimbana gita man•aha.
Meghalaya sorkari, India-ni aro Bangladesh-ni High commission baksanaba, Dawki-ni Land Port Authority aro Exporters Association baksa kobor ra•griken dongenga, ine a•dokni Skotong Minister Conrad K Sangma u•iataha. Una agreba, Bangladesh-o dongkuenggipa Meghalaya-ni chatro chatrirangko naljoke rakkina gita man•a dipet uamang kamrangko ka•enga, ineba Sangma u•iatangkuaha.
Uasan ong•aigija, West Jaintia Hills-ni, Additional SP, Hiwot Rymbai-ko (+91 96157 16153), Bangladesh-oni re•bapilenggipa Meghalaya-ni chatro chatrirangko nirok simsakataniko dakchina gita nodal officer dake watataha. Una dakchakpaaniko on•na gita, Dawki-ni Land Port Authority-ni Executive Officer, Thomas (+91 84150 60802)-koba donataha, inenba official-rang u•iataha.
1971 bilsio jakgitelanina dakgrikgipa nokdangni manderangna 30% job reservation quota-ko High Court-ni gita on•a tik ka•ani salsa jaman chongmotan July jani 1 tarikoni ia jegalani a•bachengaha.
A•songni bang•a sorkarini aro private institute-rangoni sak hajal batpile chatro chatrirang re•baenba, ia quota-ni kosako namnikgija jegalaniko dakenga, maina 30% reservation-ko dakgrikao sianggipani nokdangni manderangna on•ahaode uamangde kam man•a gita chol ong•jawaha ine kena gnang uamang jegalaniko dakenga. Indake ong•genchimoba, ia jegalaniko dakgiparangba me•chikrangna, jela komigipa jatrangna aro be•enni gita cholgri ong•gipa manderangna reservation on•anikode namnikpaachim.
Sombar salo, Dhaka University-ni campus-o jegalaniko dakgipa dolrang, police aro sorkarina chakgipa chatro chatrirangni dolrang baksa nanggrikaoni joljol, ia quota system-ni kosako jegalani antignirang batengaha. Iani gisepon, mongolbar salo sak 6 manderangni sianichi obostarang namjabatrorona a•bachengaha, jeni a•selan sorkari, a•songni pilak institute-rangko chipatna gita ge•etaniko on•a dra•ataona sokan baksana, mongsonggipa opposition dolni headquarter-rangkoba police dolrang am•samdie nianirangko dakna nangao ga•akaha.
Na·simang ia video-koba nina man·gen:
Na·simang iakoba poraina man·gen: Moran jatko ST-o chanchapchina dabie Dibrugarh-o jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
