Shillong, Nov 26: IIM Shillong RoundTable-o expert dolrang, Bangladesh aro Myanmar-o so•so jengjeng ong•anichi India a•songni Salgro Salaram jolrango nangchakeako man•engachim uni gimin chanchirimaniko dakenba, pilak sorkarini agency-rang, songsalni namgnina kamko ka•giparang baksana a•song gipinni dolrangkoba apsan bakrime kamko ka•na gita okamaniko dakangaha.
Iano bakko ra•gipa sakantian, tom•tom ong•aniko baikamatna aro India a•songni Salgro Salaram jolrang baksana uni sambajolo donggipa biaprango namroro silroroaniko ra•bana gita apsan bakrime ja•ku de•na nangchongmotani gimin gisiko nangbate aganangaha.
Re•anggipa November jani 25 tariko ong•atanggipa tom•anio, Indian Army, Eastern Command-ni gitcham Commanding-ni General Officer, Lieutenant General Rana Pratap Kalita, sepangjolo donggipa a•songrangni so•so jengjeng ong•ani a•sel maidakgipa neng•nikanirangko man•engachim uni gimin ning•tue aganangaha.
Bangladesh aro Myanmar-o so•so jengjeng ong•ani a•sel niamgri napsrukbagiparang, pekatgipa samrangko palbadingani baksana India-Myanmar sima ari gita Free Movement Regime-ko jakkalsretani gimin neng•nikanirangko man•engani bidingoba chanchirimaniko dakangaha.
Ia chanchirimaniko dakanio, India-Myanmar-Thailand Trilateral Highway project-rangchi tangka paisani gita dakchakani bidingoba nipilaniko dakangaha. Maina ian jolo songdongenggipa manderangna tangka paisani gita, janggi tangani cholrang baksana namroro silroroaniko ra•dona dakchakgipaba ong•a ine nikgenchim ong•oba, sima ario baikamgipa chel•chakanirangko rakkina nangchongmotani giminba chanchirimangaha.
Na·simang ia video-koba nina man·gen:
Na·simang iakoba poraina man·gen: National Milk Day-ko Jowai Dairy Plant Campus-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
