Byrnihat, Meghalaya, Jan 24: India-ni Assam-Meghalaya sima ari jolo donggipa, Byrnihat songjinmaan balwa rongtalbatsranggijagipa ong•aha. Songjimao balwa rongtalgijani batroroaniara dam 41 karkanarangni a•sel ong•a inenba jolo donggipa manderang matangataha. Iani a•sel jolo songdongenggipa manderang neng•nikanirang jekai mi misi nosto ka•ako man•aming, ba•ra kancha ran•atna neng•a baksana rongtalgija balwarangni a•sel kenbegnigipa sabisirangko man•ani bariroroanirang ong•a.
Report-ni gitade, Byrnihat-o balwa namgijani Air Quality Index (AQI)-o “Hazardous” gadangona sokdopilaha aro ian karkanarangoni ong•katgipa (PM2.5 aro PM10) namgijagipa bisemrangni a•sel ong•a.
Meghalaya, Byrnihat-ni Don Bosco Higher Secondary School-ni Principal, KJ Peter, sepangjolo donggipa karkanarangni balwako rongtalgija ong•atana gisiko suk onggijaniko parakengon, a•dimurang aro rongtalgijagipa balwarangni a•sel tangsekgipa bolrang a•mang rong pilangan baksana ia jolo donggipa bang•a manderangon rang•sitna neng•ani, ka•tong saani aro tuberculosis saanirang batrorobaengaha ineba janapangkuaha. Iarangko nina namen duk man•beani ong•a, uni gimin uamang sorkariko maiba ja•ku de•aniko dakchina gita mol•molataha jedakode ia jolo songdongenggipa manderang an•seng baljoke aro tom•tome janggi tangna gita man•gen ineba ua agandapangkuaha. Uasan ong•aigija, pringantin skul-o asongchakanirangba a•dimurara dakani a•sel chatro chatrirangni rang•sitanio neng•nikanirangko ra•baa ineba ua janapataha.
Byrnihat-ni Dehal Bagan songni manderang bang•a neng•nikanirang jekai, bi•sarang skulona sokna gita tikkelna nanganirang, saa ding•anirang batroroan baksana gisimgipa a•dimurang nokni bostu ge•antikon pindapanirangko man•enga. Changni chang Meghalaya a•dok sorkarina iani bidingo nirokatchina gita badi ka•genchim ong•oba, neng•nikanirangko olgrokatna gita maming ja•ku de•anirang dongkuja ine aganengon, uamang karkanarangko chipatkan aganja indiba balwako rongtalgija ong•ataniko champengna gita rakgipa niamrangko ra•gatchina gitasa dabianiko songni manderang dakenga.
Na·simang ia video-koba nina man·gen:
Na·simang iakoba poraina man·gen: Tripura-o SHG-ni membor-rang me•chik saksako kragija dake sasti on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
