Shillong, June 27: Pekatgipa ringani aro bi•sarangko palbadinganiko champengna gita, Joint Action Plan (JAP)-ko ong•atanio, a•songni dam 785 a•jarangni giseponi, National Commission for Protection of Child Rights (NCPCR)-ni gita seoka man•gipa dam 30 a•jarangoni, Meghalaya a•dokni North Garo Hills a•jaba “best performing districts” ine seokako man•aha.
“Ian a•dokna aro Social Welfare Department-na rasong chabeani ong•a,” inenba Social Welfare Department-ni Commissioner and Secretary Pravin Bakshi parakataha. Department-ni gita a•doko mongsongbate chadambe bi•sarangni gisepo pekatgipa ringanirangniko champengani bidingo dondikpilgija sak wal kamrangko ka•enga ine official u•iataha.
“Chinga ia pekatgipa ringani aro bi•sarangko badingsrukaniko champengna gita krenge kamrangko ka•enga. North Garo Hills-ni district administration aro District Child Protection Unit, pilak ra•bianirangko man•genchim ong•oba chu•sokna gita man•aha,” inenba Bakshi agandapangkuaha.
“Prevention of Drug and Substance Abuse among Children and Illicit Trafficking” – “Ek Yudh Nashe Ke Virudh” ni Joint Action Plan (JAP)-ko NCPCR aro Narcotics Control Bureau (NCB) tarienba, 2021 bilsini February jao a•bachengataha. Iako dakani miksonganiara, bi•sarangko drugs ba pekatgipa ringaniko jakkalaoniko champengatna gita ong•an baksana skulrangni sambajolo ia pekatgipa samrangko palaniko champengatani miksonganian ong•a.
North Garo Hills-ni Deputy Commissioner, R. P. Marak-na lekka seatgipao, North Garo Hills-ko, India a•songni nambatgipa dam 30 a•jarango bimung dongpaanina, kusi ong•chakani kattarangko janapatengon, “A•songni nambatgipa dam 30 a•jarango bimung dongpaanira, JAP-ko name ja•rikenba bi•sarangni gisepo “Prevention of Drugs and Substance Abuse”-ko aro sruksruk palbadingani bidingo janapenba agantalate on•nani a•selba ong•aha” ine NCPCR-ni member Secretary, Rupali Banerjee Singh aganaha.
Na·simang ia video-koba nina man·gen:
Na·simang iakoba poraina man·gen: Raimona National Park-o skanggipa changna Mainland Serow-ko jachipchang ra•anio man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
