Guwahati, Apr 1: Bangladesh a•songo songdongenggipa Tribal-rangna chakpaanirangko on•anichi India a•songni salgro salaram a•dokrangoni Bangladesh a•songona chi gita re•a doani cholrangko tarina nanga ine Mongolbar salo, Tripura-o BJP sorkari baksa bakrimenggipa Tipra Motha Party (TMP)-ni dilgipa Pradyot Kishore Manikya Debbarma aganaha.

1947 bilsio Chittagong Port-ni kosako sason man•aniko watgalna tik ka•anian India-ni dal•batsranggipa dakgualani ong•aha ineba ua aganaha.

India a•songni salgro salaram a•dokrangara a•arangchi peng•ako man•gipa biap ong•a aro Bangladesh a•songan Bay of Bengal (sagal)ko nitimenggipa gita ong•a ine Bangladesh a•songni Chief Advisor Muhammad Younus a•kangahani gimin Debbarma, ia kattarangko aganskaaha.

Bangladesh-o pangchakaniko komiatna nangenga ine janapatengon, India a•songni jakgitelaniko man•ani somoio Chittagong-o songdongenggipa bang•a manderangan Indian Union-o bakrimna bi•ahachim indiba watchanggalako man•tokaha ine TMP-ni dilgipa parakataha.

Debbarma-ni aganani gitade, Tripura a•dokara Chittagong Port-oni adita mile-rangsan chel•grikaia aro ia jolo songdongenggipa manderang skangonin India a•songo bak ong•na sikgiparang ong•achim ine itihasoba mesokanirang donga.

Bangladesh a•songo songdongenggipa Tripuri, Garo, Khasi aro Chakmarangko man•chape dingtang dingtang Tribalrang dakchakanirangko on•china gitaba ua India a•songko didiangaha.

Na·simang ia video-koba nina man·gen: 

Na·simang iakoba poraina man·gen: Salgro salaram a•dokrangko ‘landlocked’ ine Md Younis-ni agananiko Assam CM jegala

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub