Guwahati, April 4: Re·anggipa March jani 28 tariko, Myanmar-o banggria bakan nangchakea man·giparangko apsan ong·atpiltaina gita India a·song Operation Brahma-ko a·bachengataha. Indian Army-ni Strike One Sapper dol, Myanmar-o banggrianio nangchakea man·batgipa biap Mandalay jolona nangchongmotgipa samrang baksa sokangaha. Ia engineer-rang, ong·a obostarangko name nianiko dakenba, nosto ong·gipa ramarang, hospital-rang, skulrang aro gipin rika cho·ani kamrangko rikpiltaina ba taripiltaina gita dakchakaniko on·anggen.
Army doctor-rangni chalaienggipa ge 60 palang donggipa hospital-o mata bua man·gipa manderangna Army doctor-rang sana bananiko on·enga. Myanmar-o dongenggipa India-ni Ambassador, Abhay Thakur, aro Myanmar-ni dal·batgipa Army-ni dilgipa, General Min Aung Hlaing, relief-ni kamrangko nirokena gita India-ni dolrangko re·ange grongenba, mikkangchi apsan kam ka·rimani giminba agangrikanirangko dakangaha.
India-ni “Neighbourhood First” ingipa policy-ni bak gita, India-ni dolrang ringani chirangko tarie on·pilan baksana songadam biaprangko mongsonggipa songjinmarang baksa nangdimatna dakchakaniko on·anggen. Myanmar-ni official-rang, India-ni gamchatbegipa dakchakaniko ta·rake sokatanichi bang·a janggirangko jokatna man·aha aro uamangna ka·donganiko ra·baaha inenba de·mitelle aganangaha. India a·song, Myanmar baksa meli nangrimaniko mangrakbatatan baksana ong·telaigipa a·selrangni somoio dakchakaniko on·e mikkangchiba je gita nanga dakchakanirangkoba on·a miksongenga.
Na·simang ia video-koba nina man·gen:
Na·simang iakoba poraina man·gen: Manipur-ni Churachandpur a·jao donggipa New Zouveng songko containment zone ine parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
