Dibrugarh, May 9: World Asthma Day-ni salko gisik ra·ani bak gita, Indian Army dolrang, “Awareness about Asthma and Respiratory” ingipa katta bichongko donne, Assam-ni Tinsukia a·jao donggipa Tipong, Daisajan aro Makum-o an·seng baljoke dongani bidingo awareness program-rangko ong·atangaha, jeon sak 132 songni manderang, sak 203 chatro chatrirang aro sak 10 skigiparangko man·chape sak 340-na batpilen manderang bak ra·angtokaha.
Tipong-o Army dolni sanna banani bidingo name u·i-ma·sigipa dolrang, Asthma saani bidingo ma·sisretanirangko talate on·a jinma baksa agangrikanirangko dakangan baksana rang·sitanio neng·nikgiparangna inhaler-ko maidake name jakkalna nangachim aro rang·san asthma bilonggitikani somoio maiko dakna nangachim uarangko mesoke on·angaha.
Daisajan camp-o asthma sana a·bachengani chinrang, maikai ia saaniko man·a amachim aro maikai ia saaniko name jakdangdikna man·achim uni gimin aganangaha. Jolo songdongenggipa manderang an·tangtangni janggi tanganio ia saani bidingo chagrongbaani gimin aganenba, sana bananio sapbegipa dolrangoniko nambegipa ku·pattianirangkoba man·aha.
Makum-ni Assam Heights Public School-o Army Medical Officer-ni jinmana an·seng baljokani bidingo aganprakanio sak 110 chatro chatrirang aro sak 10 skigiparang bak ra·angtokaha. Ia session-ko sing·anirangna aganchakani round baksa matchotataha jeon chatro chatrirang name ning·tubee chanchibewale sing·anirangko dakenba an·tangtangni chanchibewalanirangkoba janapangaha.
Pilak program-rangan, an·seng baljokgipa janggi tanganiko ja·rikan baksana asthma saani bidingo manderangna mikrakataniko giproroatna ku·rachakanichi matchotataha. Ian a·songko naljoke rakkina kam ka·ana agreba, a·songo songdongenggipa manderangni an·seng baljokanina gisiko nange Indian Army dolrangni kam ka·anikoba mesoka.
Na·simang ia video-koba nina man·gen:
Na·simang iakoba poraina man·gen: Poraienggipa chadamberangna drugsni bidingo agan-ku·pattina sak 100 skigiparangna training on·gen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
