Guwahati, November 2: Indian Ayurvedic Medical College (IAMC)-ko a•bachengatani bilsi 2 gapaniko University of Science and Technology Meghalaya (USTM)-o maniani salo, AIIMS Guwahati-ni Executive Director, Dr. Ashok Puranik, Ayurveda-ni mikkangchi jakkaltobegipa ong•ani gimin aganan baksana chasong gitalni samrang baksa jakkalchapani gamchatani giminba aganangaha.
Dr. Puranik, Ayurvedic baksa biotechnology aro genetics-ko brinnani gamchatani gimin aganangan baksana, Ayurvedic samni namgnirang aro namgijanirangko u•ina gita am•sandianiko dakna nangchongmotani giminba aganangaha. Doctor-rang, staff-rang aro chatro chatrirang baksa agangrikengon, san•dirikitaniko dakengon be•en an•sengbaljokaniko mongsongbatgipa ong•e ra•na nanga ine u•iatangengon, uamang allopathy-oba yoga kal•aniko ku•pattiraongani gimin mikkangchina re•mikkanganiko dakengon, poraienggipa chatro chatrirang sakantian am•sandigipa chanchi bewalanirangko pangnan ja•rikna nanga ineba aganangkuaha.
IAMC, National Commission for Indian System of Medicine-oniko ra•chakako man•enba, bilsisa chu•sokani bilsikoba re•anggipa bilsio maniangaha. Ia manianiko, jatni bewalo gita chakki so•anichi a•bachengataha, jeon Dr. Puranik, Guwahati Government Ayurvedic College-o Rog Nidan Department-ni gitcham Skotong ong•anggipa Dr. Swapan Kr. Chakraborty, USTM-ni Vice Chancellor, Prof. G. D Sharma, USTM-ni Pro Vice Chancellor, Padma Shri Dr. Sarbeswar Sahariah aro PIMC-ni Principal Dr. B. K. Das-ba dongpae bakko ra•angpaaha.
Na·simang ia video-koba nina man·gen:
Na·simang iakoba poraina man·gen: Laitumkhrah-ni Catholic gopramo All Souls Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
