Shillong, May 20: Indian Kayaking Canoeing Association (IKCA)-ni gita May 18-19 tarikrango Shillong-ni Whitewater songo selection trial-ko ong•atangaha. Ia trial-ko, Paris 2024 Olympic Games-ko ong•atenggipa 2024 ICF Canoe Slalom World Cup aro Kayak Cross Event-o, India-ni dolna susaaniko dakna seokangani ong•achim.
A•songni dingtang dingtang bakrangoni jekai, Madhya Pradesh, Karnataka aro Meghalaya a•dokrangni sak 25 kal•susagiparang iano susaaniko dakangaha aro Canoe Slalom-o susaana gita, Meghalaya a•dokni susagiparang gisik nangbate krengbatenganina niksenganiko man•aha.
Indake, me•chik dokrangni K1 bako susaanio, Meghalaya-oni Elizabeth Vincent, 3rd gipa biapko man•aha aro Kayak Cross-o susaanio, apsan mandean 1st gipa biapo chegipa ong•aha.
Me•asa dolrangni K1 bako susaanio, Meghalaya-oni Batskhem Nongbak 6th gipa biapo, Pynshngain Kurbha 8th gipa biapo aro Manbhalang Kharkhang 9th gipa biapko man•e chegipa ong•aha. Una agreba, me•asa dolrangni C1 bako susaanio, Meghalaya-ni Indra Sharma 6th gipa biapo chegipa ong•skaaha.
Ia seokako man•gipa manderang, Paris-o ong•atenggipa 2024 Olympics-ni, Canoe Events-o India a•songna susaaniko dakanggen.
2024 ICF Canoe Slalom World Championship-ni trial-ko Maghalaya a•doko sokachakna man•aniara, a•dokni mingsa chu•sokani ong•a jeon, a•gilsakni gadango kal•susaani bako, water sports ba chio kal•susaaniko tang•doataniba ong•achim. Indake, ia trial-o seoka man•giminrang, a•gilsako susaanio nambatsranggiparang baksa susaanggen.
Na·simang ia video-koba nina man·gen:
Na·simang iakoba poraina man·gen: Drugs jakkalgiparangko nirokna sorkari, Mawlai Town Dorbar-na lak 15 tangkarangko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
