Shillong, March 22: ICSSR-NERC-ni gita, India-ni ma·gitcham pagitchamrangni dakbewal rikbewalo u·i-ma·sianirangko chasong gitalni lekka poraianio man·chapatna miksonganio, “Integrating Indian Knowledge System in Social Science and Humanities Research”-ni workshop-ko Sukrobar saloni a·bachenge salgnina Shillong songjinmao ong·atenga.
EFL University-ni Pro-Vice Chancellor K.C. Baral-ko man·chape, India-ni u·i-ma·sigipa dolrang, saliramchipak songdonggipa manderang aro India-o songdongenggipa manderangni chanchibewalanirang dingtanggrikani bidingo chanchirimaniko dakangaha. India-ni ma·gitcham pagitchamrangni u·i-ma·sianirangko lekka pora skie ra·anio man·chapatna nangchongmotani gimin uamang gisiko nangbate aganangaha. Prof. Bhagirati Panda, Indian Knowledge System (IKS) ian India-ni institution-rangoniko u·i-ma·sianirangko ru·uta bilsirangna chimonggimin ong·a aro ian pangkamgipa namroro silroroaniko ra·bana gita dakchakaniko on·a gita man·gen ineba ua agandapangkuaha.
Ia workshop-o am·sandigipa chadambe dolrangna India-ni dakbewal rikbewalrangko orto gnangbate, name chanchibewalaniko dake aro agre gisiko sa·dikatgija poraina gita dakchakgen. Digital poraianirango aro chasong gitalni am·sandianirango maikai ia Indian Knowledge System (IKS)-rangko jakkalna gita man·gen uni giminba ia workshop-o skie ra·na gitaba man·gen. India a·song gimikni u·i-ma·sigipa dolrang baksana chatro chatrirangba ia workshop-o bak ra·enga.
Na·simang ia video-koba nina man·gen:
Na·simang iakoba poraina man·gen: NEPA-o ong·ronggija bewalo sigipa mandeni bidingo name am·sandianiko dakchina gita Meghalaya HC May 31-na somoiko on·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
