Tura, Aug 11: Meghalaya, West Garo Hills-ni district administration baksa nangrime kamko ka·enba, North Eastern Hill University (NEHU)-ni Department of Management baksana NIT Silchar-ni Department of Management Studies bakrime, Indigenous Knowledge and Intellectual Property Rights: Evidence from the Developing Economy-o pangchake International Seminar-ko Sukrobar salo, NEHU, Tura campus-o ong·atangaha.
Ia seminar-o West Garo Hills a·jani Deputy Commissioner, Education Minister Pa Rakkam A Sangma, Shillong, NEHU-ni Vice-Chancellor, prof. P. S. Shukla baksana, seminar-ona dingtangmancha ong·e okamatako man·gipa Nepal sorkarini, Planning Commission-ni member Pa Ramesh Paudel aro India-ni gipin bakrangoni seoke watata man·giparangba bakko ra·angtokaha.
Salni progamona mongsonggipa ong·e sokgipa a·dokni Education Minister Pa Rakkam A Sangma, a·bri jolo songdonggipa manderangni janggi tanganio jatni ma·gitcham-pagitchamrangoniko man·rikrikbagipa changa-sapani, u·i-ma·siani, daka-rikanirangni gamchatani gimin aganangenba, iandakgipa jatni man·rikrikbagiparangko gamchate ra·anina aro tange rakkina gita kamrangko ka·enganina Department of Management-koba dingtangmancha de·mittele aganangaha.
Indake ong·engon, ia seminar-o salgro-salaram a·jarango janggi tanggipa a·bri jolni manderang aro India-ni gipin bakrango donggipa manderangni man·rikrikbagipa changa-sapani, u·i-ma·siani aro daka-rikanirangko aro dingtang dingtang chanchianirangko see rakkiani gimin aro uarangko tange rakkina nangchongmotani gimin agan-chanchirimaniko dakangaha.
Iakoba poraie nina man·gen: Independence Day-ko maniani ja·manosa tom·tomaniko nangnikenggipa ULFA bobil dol baksa agangrikaniko dakangtainasia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
