Shillong, May 6: India aro Bangladesh a•songni gisepo sima kaaniko ta•rake matchotatna man•na gita a•ani bidingo chagrongna nangenggipa neng•nikanirangko ta•rake namatchina a•dok sorkari, Khasi aro Jaintia Hills jolni deputy commissioner-rangna ge•etaniko on•angaha.
Mongolbar salo, Meghalaya a•dokni Deputy Chief Minister aro Home (Police) Minister Prestone Tynsong-ni, BSF Meghalaya-ni Inspector General aro NBCC-ni official-rang baksa tom•e chanchirimanio, ia ge•etaniko on•angaha.
Ia sal somoirango a•songo ong•enggipa obostarangni bidingo ua, dingtangmancha a•song damgnini gisepo sima kaanikoba nipilangaha.
Tom•a matchotani ja•man kobor ra•timgipa manderang baksa agangrikengon, a•song damgnini gisepo sima kaaniko ta•rakbatatna gita a•a ra•anio neng•nikanirangko namatchina ua DC-rangna ge•etaniko on•angaha aro ia neng•nikanirangko uamang, adita antirangni gisepon namatna ka•dongenga ine Tynsong parakataha.
Deputy CM-ni aganani gitade, gipin a•songrangoni niam gri napdrabaanirangko BSF aro dingtang dingtang sipai dolrang nambate nirikkina man•na gita je biaprangon simarangko kakujachim, ua pilak biaprangon sorkari, sima kaaniko matchotatna nangnikenga.
A•arangko ra•anio neng•nikanirangko chagrongna nangengani a•selan West Jaintia Hills a•jao kilometer 33 ba 34-mang ong•gipa simarangko aro East Khasi Hills a•jaoba kilometer 7-8-mang ong•gipa Indo-Bangla simarangko kana man•kujaenga ineba ua aganaha.
Ia sal somoirango India a•songna, mongsongbate Bangladesh a•songni simao donggipa salgro salaram a•dokrangna kenchakna nanganirang ong•engani gimin ia simarangko ta•raken kana man•na gita kamrangko matchotatchina ua East Jaintia Hills aro West Jaintia Hills a•jani DC-rangna ge•etaniko on•ataha ineba Deputy CM aganaha.
Zero line-oni sima kachina dabienggipani bidingo a•dok sorkari, Home Affairs Ministry-na seatmanaha ineba Tynsong parakataha.
Na·simang ia video-koba nina man·gen:
Na·simang iakoba poraina man·gen: Baljek Airport-o 20 seater aircraft-ko chalaina sorkari, AAI baksa soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
