Shillong, July 4: India aro Bangladesh a•songni simarango tom•tomaniko rakkiangna gita pilak ong•gija dakgipa kamrangko apsan nangrime nirok sandiangna ine Border Security Force (BSF) aro Border Guards Bangladesh (BGB) dolrang songgigrikangaha.
Sombar saloni a•bachenge salbrina Inspectors General BSF – Region Commanders BGB level Border Coordination Conference-ko Shillong-o ong•atanio BSF aro BGB dolrang songgigrikangaha.
BSF dolko Tripura Frontier-ni IG Patel Purusottam Das dilangaha aro BGB-ni sak 13 membor-rangko Chattogram-ni Additional Director General, Region Commander Md Shazedur Rahman, ia tom•bimonganiona dilbaskaaha.
Dolgni tom•a matchotani ja•man kobor ra•timgipa manderangna talate on•angengon, a•song damgnini gisepo meli nangrimaniko rakkiangkuna gita pilak kamrangon apsan nangrime ka•na gita ia tom•anio BSF aro BGB dolrang songgigrikaha ine BSF Tripura Frontier-ni Inspector General Purusottam Das parakataha.
A•song damgnini sima gita pekatgipa samrangko niam gri badingsrukanirang batroroengani gimin aro mongsongbate bobil dake chakatgipa manderangni re•ruraanirangko champengna gita dolgnini gisepo bilakbate kamrangko ka•angnaba dolgnini gisepo songgigrikangaha ine Das aganaha.
Indake ong•engon, Bangladesh a•songni manderang, niam gri gipin a•songrangona katnapanirang batroroenga ine agananiko BGB Chattogram-ni Additional Director General, Region Commander Md Shazedur Rahman jegalatskaenba, Bangladesh a•songo manderangni janggi tangani gadang da•o tang•doengahani gimin gipin a•songrangona katnapanirang komiengaha ine a•kangataha.
Re•anggipa Robibar salosan, Bangladesh a•songni mande sakgittam, chong•motan bilsi 30 ong•gipa Mohibur Rehman, bilsi 25 ong•gipa Kudus Miah aro Mubarak Hossain minggipa manderangko, East Khasi Hills a•ja ning•oniko BSF sipairang rim•ahachim ine nikna man•a. Ia manderango sing•sandion, uamang Kashmir a•dokona kamrangko sandina re•angna gitasa niam gri Bangladesh a•songoni re•baaha ine rim•a man•gipa manderang parakahachim.
Iani bidingo BGB-ni official-o sing•on, ua an•tangde iandakgipa a•selrangni gimin kobor man•soa dongja ine a•kangskaaha.
Na·simang ia video-koba nina man·gen:
Na·simang iakoba poraina man·gen: Jatni daka rikanirangko ripinganio dakchakaniko on•na CM ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
