Guwahati, May 9: India aro Pakistan a•songni gisepo so•sojengjeng ong•anirang batroroengani gimin Bangladesh a•song baksa nangchapgipa salgro salaram jolni simarangoba sipai dolrangni chel•chakanirangko bilakbatataha.
Iani bidingo, Bangladesh a•song baksa nangchapgipa dambri a•dokrang, chong•motan Tripura, Assam, Mizoram aro Meghalaya a•dokrang, chel•chakarangni bariatani bidingo ma•mong sorkari baksa chanchirimangaha.
Bangladesh aro salgro salaram a•dokrangni gisepo kilometer 1880 simarang dongani gimin ia simarang gita bobil dolrang chadrapbana man•jana gita ia simarango sipai dolrangni warachakaniko bilakbatatna gita ia tom•anio chanchirimangaha.
Walni somoirango manderangni skatang re•ruraaniko champengna gita ia sima jolrango night curfew-koba ra•gatangaha.
Ia sima jolrang gita niam gri napsrukanirangko aro ong•gija kamrangko champengna gita ia sima jolrango donggipa bang•bata songrangon sipai dolrangko donataha.
Tripura a•doko, Chief Minister Manik Saha-ni dilanichi, dingtang dingtang sipai dolrang baksa tom•aniko ong•atangenba, India aro Bangladesh a•songni simarango sipai dolrangni chel•chakaniko bilakbatatna chanchirimangaha.
Meghalaya a•dokoba Border Security Force (BSF) sipairang, gital kolrangko jakkale, India aro Bangladesh a•songni simarango nirikkianiko bilakbatataha aro apsan daken Assam-oba, BSF dolni sipairang, a•song damgnini simarango nirok sandianirangko bilakbatataha.
Na·simang ia video-koba nina man·gen:
Na·simang iakoba poraina man·gen: Gital Pope-ko Roman Catholic Mondoli rimchaksoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
