Paris, Mar 26: 2nd Edition Indo-French Football Tournament 2025-ko Paris-o ong·atna a·bachengataha aro ia tournament-ko oprakani salo, Meghalaya-oni Mynken Christian Secondary School aro France-ni US Grigny FC baksa kal·susaanio Mynken Christian Secondary School 4-0 goal-rangko man·e chegipa ong·aha.
Ia kal·susaaniko Grigny Stade-o kal·angaha aro Indian Team-ni chugipa gadango kal·susaaniko nikenba aio inmantokaha.
Ia French dol, robol kal·anio namen changbegipa aro bilakgipa dol ong·achim, indake ong·genchimoba Meghalaya dol uamangni changa sapaniko jakkale kal·susaanichi rakbegipa dolko amchepatna man·aha.
Deputy Mayor of Sports, Deputy Mayor of Grigny aro Director of Sports, Meghalaya dolni ga·subee kal·susaaniko nike namen kusi ong·aha.
4-0 score-ko man·aniara dolni gita cheanisan ong·aijaha indiba Indian Football-na dal·begipa sal somoi aro gisik ra·begnigipa ong·skaaha aro ian India-ni dolrangoniba nambatsranggipa dolrang baksaba susana bil amgiparang ong·a ine mesokaniba ong·enga.
Indake, March 26 tariko France a·songni nambatsranggipa dol Versailles FC baksa Meghalaya dol susaanggen.
Na·simang ia video-koba nina man·gen:
Na·simang iakoba poraina man·gen: Gipin biaprango kam ka•enggipa doctor-rangko a•doktangona re•bapilchina Health Minister didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
