Shillong, Mar 23: Under-17 Subroto Mukherjee Cup-na robol kal·susaanio runners-up ba gnigipa biapko man·e chegipa Bhoirymbong-ni Myngken Christian Higher Secondary School dolko March 24 tarikoni March 30 tarikona France a·songni Paris songjinmao ong·atenggipa Indo-French Football Tournament-o bak ra·na seokahani gimin, ia dolni robol kal·giparangna Sonibar salo, dingtangmancha watatani program-ko ong·atangaha.
Ia bilsini Indo-French Football Tournament-ara da·o gnigipa changna ong·atenggipa tournament ba kal·susaani ong·enga aro ia chang ia kal·susaanio bak ra·na gita India a·song gimikoni Myngken Christian HS School-ni U-17 football dolkosan seokaiaha. Uamang ia kal·susaanio, France a·songni dolbri robol kal·giparang baksa kal·susaanggen.
Ia program-ko ong·atanio, Chief Minister-ni Adviser Hamlet Dohling, jinmana aganprakengon, gipin a·songo robol kal·susana cholko man·ahani gimin ia dolna an·tangni kusi ong·chakaniko parakangenba, ia tournament-o chu·sokgipa ong·china ine an·tangni namgipa skanirangko on·ataha.
A·songtangoni chel·ao ong·e robol kal·susaengon, pangnan namgipa gunrangko mesokchina gitaba Dohling, ia robol kal·gipa dolni chadamberangko ku·pattiangaha.
Ia program-ko ong·atanio, Sports & Youth Affairs department-ni Director Dikki D Shira-ba program-o bak ra·giparangna aganprakengon, ian gipin a·songo robol kal·na cholko man·asan ong·aigija gipin a·songo daka rikani aro janggi tangani bewalrangko nie ra·na cholko man·aniba ong·enga ine robol kal·gipa chadamberangna an·tangni kusi ong·chakaniko parakangaha.
Ia gnigipa Indo-French Football Tournament-o bak ra·na re·angenggipa Myngken Christian HS School-ni dolna pilak nanga korosrangko Sports & Youth Affairs department on·anggen aro ia dolo, goalkeeper sakgni, coach saksa, manager saksa aro a·dokni official saksako man·chape gimik sak 16 manderang, France a·songona re·angenga.
Na·simang ia video-koba nina man·gen:
Na·simang iakoba poraina man·gen: Chibragre-o skanggipa changna Kayaking Camp-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
