Guwahati, Nov 08: Assam Rifles-ni Moreh Battalion aro IGAR (South) dolgni nangrime India aro Myanmar a·song damgnini sima-ari jolko mija Robibar walo nirokengmiting somoio gogrikanio jakkalgipa gipin bosturang baksana bang·bea gopretgnigipa bosturangko man·aha.Ua walni somoio a·songtangni sima jolrangko nirokmitingo Assam Rifles-ni sipairang bol bijakrangchi name pindape dongipa bakosrangko nikaha aro ja·mano ua bakosrangni ning·aoniko gopretgnigipa bostu Improvised Explosive Device (IED) bom kg 250 mang ong·ako man·a baksana gogrikanio jakkalgipa bosturang aro bang·bea gipin gopretgnigipa bosturangkoba man·jolaha.

Indake, ua man·gimin gopretgipa bosturangko ja·mano Moreh police-na pakwatataha.