Aizawl, Mar 10: India aro Myanmar a·songgnini gisepo jakgitele re·runa on·aniara mikkangchina kenchakani gnang ine Mizoram ni skotong minister Lalduhoma sombar salo aganaha. A·song ge·gnini manderangko jakgitele re·runa on·angkuaiode namgijagipa kamrang, badingsrukanirang, drugsrangko palbadinganirang barichongmotgen ineba Lalduhoma aganaha.
“2021 bilsio Myanmar a·songoni an·chingona katnapgipa jong-adarangko an·ching ka·sachake nokchakaha aro dakchakaniko on·beaha, uamangni songdongenggipa nokrang ianoni chel·jagenchimoba uamang da·ode re·pilangna gong·tokjaengjok” Mizoram a·dokni skotong minister uamangni Assembly budget sessiono aganaha.
Free Movement Regime ingipa jean a·song damgnini gisepgriko km. 16 mangko visa gri jakgitele re·runa on·gipa niam ong·a. Ia FMR ko ja·rikangkuaiode a·songna kenchakanirang sokbagen, drugsrangko badingsrukanisan ong·aigija mandeko aro bi·sarangko palbadinganirangnaba kenchakani gnang ineba Lalduhoma aganaha.
Na·simang ia video-koba nina man·gen:
Na·simang iakoba poraina man·gen: M’laya-ni dal•roroaniara ra•srogipa tangkarangchi ong•ja indiba a•doko man•enggipa cholrangchisa ong•a: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
