23.8 C
Tura
spot_img

INS Chennai-o Indian Navy-ni Stealth Destroyer-o BrahMos Supersonic Cruise Missille ko porika ka·e nianio chusokgipa ong·a

Must read

New Delhi, Oct 18: Gam·anina bate ta·rakbate re·na man·gipa chio dakgrikani silchidare jekon BrahMos supersonic cruise missile ine minga mijalo INS Chennai-o donggipa Indian Navy-ni Stealth Destroyer-o BrahMos Supersonic Cruise Missille ko porika ka·e niani chusokgipa ong·aha. 

A·songtango tarigipa dakgrikani silchidare Arabian sagalo porika ka·e nianio donsogimin nishan-ko  tiktak nangeate chubegipa gadangni bilakbegipa kam-ko  ka.anio chu·sokaha.

India aro Russiani nangrime tarigimin BrahMos silchidareara mongsonggipa dakgrikanio jakkgnigipa ostro ong·a aro chini kosako dakgikanio chelbea bi·aponikon nishan done gona aro warachakna man·gipa jahas jekon Indian Navy nanggitikani somoirang sokbaon jakkna man·gnok aro Indiani Army dol naba dal·be abilrangko on·dapani gita ong·gnok.

Ia dalbegipa kamo chu·sokahanina Ma·mongni Defence Minister  Pa. Rajnath Singh DRDO , BrahMos aro Indian Navy dolko de·mitelaha.

DRDO ni DDR&D Jakrikra aro Chairman Dr. G.Sateesh Reddy uko bimang ong·atanio jak dongpagipa pilak gisik a·ning bitgipa,  DRDO, BrahMos, Indian Navy aro Karkana ni manderangko mitelskaha.

spot_img

More articles

spot_img
-->

Latest article