Jowai, July 13: Dingtang dingtang saa-biatirangko ra·chimonge manderangna mikrakataniko on·na gita Meghalaya AIDS Control Society, Bristibar salo Integrated STI, HIV, TB and Hepatitis Campaign-ko Jowai-ni District Prison & Correctional Home-o ong·atangaha aro ia programona West Jaintia Hills-ni Deputy Commissioner Pa BS Sohliya, mongsonggipa sokgipa ong·e bakko ra·angaha.
Programo bakko ra·anggipa MACS-ni Project Director Dr. B. Decruse, ia campaign-ko NACO baksa nangrime ong·ataha ine u·iatangenba, Meghalaya a·dok gimiko HIV ba AIDS sabisiko man·giparangoni East aro West Jaintia Hills a·jaon 60 percent-mangni gita gnang ine parakataha.
HIV ba AIDS sabisini gimin Music Contest-ko ong·ate manderangna mikrakataniko on·anina aro ia sabisiko bon·atna gita rake kamrangko ka·enganina a·jani DC Pa BS Sohliya, dingtangmancha MACS-ko de·mittele aganangenba, Jaintia Hills a·jao ia sabisiko man·enggipa mande sakantiko aro uamang nokdangni manderangko sandie ma·sie ra·aniko dakanggen aro ian batanggimin somoio Covid 19 sajinmana sagipa manderangko sandie rim·a man·aniko daka gitan apsan ong·gen ineba u·iatangjolaha.
Iakoba poraie nina man·gen: Shillong-o odd-even system-ko taxi salgiparang jegala
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
