Jowai, Aug 07: Tika su·anichi bi·sarango ong·atgnigipa mingchet dingtang dingtang sabisirangoniko naljoke rakkina gita miksonge India sorkarini a·bachengatgipa Intensified Mission Indradhanush 5.0-ko, Jowai, Palaniar-o donggipa 100 bedded MCH hospital-o a·jani Additional Deputy Commissioner Ma HML Kynta, Sombar salo a·bachengate on·angaha
Programona mongsonggipa ong·e sokgipa Ma HMK Kynta, IMI-ko a·bachengate on·ani somoio jinmana aganprakangengon, Immunisation campaign-ko pilak health centre-rangon saldok ka·e gimik round gittam dake maming damgri tikarangko su·anggniko janapatenba, bi·sani ma·gipa-pagiparangko, oko kegipa ma·giparangko iandaka cholko ra·e uamangni sambabatgipa sanram biaprangona re·bae tikako su·echina gita pilakkon didiangaha.

Jowai-ni Paediatrician, Dr. E. Suchiang, dingtang dingtang sabioniko bi·sarangko naljokatna gita tikako su·anio bi·sarangna gamchatani gimin aganangskaaha. Uandake, programo bak ra·angpagipa Jowai-ni District MCH officer, Dr. Helen Uriah, immunisation card-ni gamchataniko aganangenba, bi·satangko tika su·na re·anga rikkitan card-ko ra·bitjringchina gita ma·gipa-pagiparangko didiangan baksa, IMI campaign-ko skanggipao August 7 oni 12 tarikona, gnigipa gadango su·aniko September 11 oni 16 tarikona aro gitamgipao October 9 oni 14 tarikona gadang-gittam dake ong·atanggniko u·iatenba sakantikon iano bak ra·china gitaba didianiko on·angjolaha.

Iakoba poraie nina man·gen: Shillong-Dawki ramao truck gari bolsa a•sel ong•e sak 3 sia

WATCH:

Find latest news from every corner of Northeast India at hubnetwork.in, your online source for breaking news, video coverage.