Tura, Sep 20: Brigipa Inter Mahari Men’s Football Tournament aro gnigipa Inter Mahari Women’s Football Tournament-ni final ba bon•kamgipa kal•aniko Sonibar salo, Tura-ni PA Sangma Stadium-o ong•atna siengani gimin ia kal•susaaniko name matchotatna man•na gita Organising Committee, pilak nanga kamrangko ka•somanaha.
Me•asarangni final kal•aniko A•gitok aro Bolwari Maharirangni gisepo kal•anggen aro me•chikrangni final kal•aniko Chambugong aro Mangsang Maharirangni gisepo kal•angskagen.
Ia kal•susaaniko ong•atna gita Bristibar salon, organising committee-ni membor-rang, West Garo Hills a•jani SP, magistrate-rang aro gipin official-rang baksa PA Sangma Stadium-ona re•ange kamrangko niangaha.
Ia bon•kamgipa kal•susaaniona sak 10,000-na baten manderang sokbana ka•dongsoengani gimin stadium-o napani, re•ongkatani, tikit palani, garirangko donani aro uandakgipa dingtang dingtang kamrangko organising committee, name tarisamsoaha.
Ia final kal•susaaniko nina gita tikitrangko Sonibar pringonin PA Sangma Stadium-o palgen aro stadium-o napna gita manderang dongimin niamrangko ja•rikna nanggen.
Stadium a•palo dingtangmancha LED screen-koba done, robol kal•aniko mesokna siengani gimin tikit donggijagipa manderangba a•palo ia screen-oniko nina chol man•skagen.
Stadium-ni ramarango garirangko donna on•jawa aro garirangko donna gita dam 14 sorkari office-rangko tik ka•samsoskaaha.
Ia final kal•susaaniona Meghalaya a•dokni Chief Minister Conrad K Sangma, Legislative Assembly-ni Speaker Thomas A Sangma aro gipin dilgiparangba re•bae bak ra•anggen.
Na·simang ia video-koba nina man·gen:
Na·simang iakoba poraina man·gen: Tamenglong a•jao Amur Falcon do•oko sikar ka•aniko champengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
