Tura, Oct 22: Tura District Cricket Association (TDCA), MCA aro District Sports Office baksa nangrimenba, Inter School aro Inter College Cricket Tournament-ko, Tura-ni Alotgre Cricket Stadium-o ong•atenga.
Ia Tournament-ko ong•atengon, Inter School Cricket Tournament-o U-16 me•asa dol aro U-22 me•a aro me•chik dolrangna Inter College Cricket Tournament-ko ong•atangskaenga.
Indake Inter College Cricket Tournament-o me•asarang dol 10 aro me•chikrang dol 7 dake final sokdona gita susaanggen, jekon, me•chikrangna Group A aro Group B dake sualaha aro me•asarangna Group A, B aro C dake sulangskaaha.
Ia Tournament-o bak ra•enggipa school-rangara, Captain William School, Little Flower Hr. Sec. School, Govt. Boys Hr. Sec. School, UTD Mukdangra Sec. School aro Kendriya Vidyalaya School-rangan ong•a.
Indake Inter College tournament-o me•asa dolrangoni bak ra•enggipa college-rangara, Don Bosco College, Mason Phillips Academy, Durama College, Tura Polytechnic, PASF-Abong Noga College, Don Bosco Hr. Sec., Tura Govt. Boys Hr. Sec. aro Tura Christian College ong•a aro me•chik dolrangoni bak ra•enggipa college-rangara, Tura Govt. College, Tura Christian College, PASF-Abong Noga College, Durama College, Govt. Boys Hr. Sec aro ICFAI University-an ong•a.
Indake Inter College Tournament-ko October 21 tarikoni a•bachengataha aro Inter School Tournament-ko October 23 tarikoni dipet a•bachengatskagen.
Ia Tournament-ko ong•atengon bak ra•enggipa pilaknan uamangni nangnikaniko TDCA on•enga.
Ia tournament-ko MCA aro District Sports Office baksa nangrime ong•atenganiara, chadamberang mongsongbate school aro college-rangoni chatro chatrirangni cricket kal•na gisiko nanganiko tangkame rakkina miksonge ong•atenga aro unbaksana uamangni changa sapaniko nirike uamangoniko mikkangchi altuae seokangna man•a gitaba ong•atenga ine TDCA-ni Executive Member, Robert Ch. Momin, Hub News-na aganaha.
Na·simang ia video-koba nina man·gen:
Na·simang iakoba poraina man·gen: Gambegre by-election-na BJP-ni ticket-ko Bernard-na on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
