Tura, April 13: Sonibar salo, “Play On” Inter-School Sports Meet-ni gita, Don Bosco Higher Secondary School-o basketball semi-final-ko ong·atangaha, jeon me·a aro me·chikrangni category-o dolbri basketball dolrangni kal·susaaniko nikangna gita man·aha.
Me·asarangni semi-final-o, Monfort Centre for Education, 23-5 point-rangko man·e Christian Boys’ School-ko amataha. Indake 2 semi final kal·susaanio Don Bosco School Tura, 42-40 point-rangko man·e Rongkhon Don Bosco School-ko banggija point-rangchi amatenba, final-ona doangaha.
Me·chikrangni final kal·anio, Don Bosco School Tura, 40-2 point-rangko man·e Government Boys’ School-ko amchepataha. 2-gipa semi final-o, Sherwood School aro St. Mary’s School-ni gisepo kal·susagrikanirang bilsugrikengon, mongsongbate quarter final-o St. Mary’s School 6-4 point-rangchi cheaniko man·aha.
Indake ong·engon, da·o kal·na sienggipa basketball final-ni me·asarangni category-o Monfort Centre for Education, Don Bosco School Tura baksa kal·susaanggen aro me·chikrangni category-o Don Bosco School Tura, St. Mary’s School baksa kal·susaangskagen. Artsourced aro Directorate of Sports and Youth Affairs, kal·susaanio gisik nanggipa chadamberangna chakpaaniko on·an baksana Tura-o donggipa school-rango kal·susaanirangko ra·dona miksonganio ia kal·susaaniko ong·atangaha.
Na·simang ia video-koba nina man·gen:
Na·simang iakoba poraina man·gen: Assam Cabinet, Bhupen Hazarika-ni chang 100-gipa atchiani salko bilsi gimik manianiko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
