Tura, 22 Feb: North Eastern Hill University, Tura Campus-ni Garo Department, A•chik Literature Society baksa chang 25-gipa International Mother Language Day-ni salko maniangaha.
Department-ni Head, Dr. Jacqueline R Marak, ia salni gamchataniko agane program-ko a•bachengate on•angan baksana da•ororoni chadamberangko A•chikkuko ripinge rakkiangchina gita didiangaha. Ia tom•bimonganio ki•tap poraiani baksana NEHU Tura Campus-o poraianggipa gitcham chatro chatrirangni chimonggimin ming 50 poedorangko segipa Chokchimsa Bite ki•tapko Prof. Fameline K Marak oprake on•angaha.
Dr. Dokatchi Ch Marak, 2025 bilsini March jao A•chikkuko record ka•ani ba chipani workshop ong•ataniko parakatan baksana A•chik Literature Society-ni President Prof. Caroline R Marak-ni chimonggimin dingtang dingtang biaprango ku•agananirang jekai A•we, Ganching, Gara, Dual, Matapeng aro Am•beng ku•sikrangko agangipa songrangni bimungrangkoba ua sulsul u•iate on•angaha. Ki•tap seanio namen sapbegipa dolrang, A•chikkuko ripingna gita online ki•taprangko tarichina aro katta bichongrangko on•china gitaba ku•pattianiko on•angaha.
Ia tom•bimonganio bak ra•giparang, ong•telaigiparang, mandeni bewal aro A•chik ma•gitcham pagitchamrangni golporangko ming 20 batpile poraie on•angaha. Dr. Crystal Cornelious D Marak, A•chik ki•taprangni itihas-rangni gimin aganangan baksana A•chikrangni sea jotani bidingo nipiltaiani aro chanchirimaniko dakchina gita didiangaha.
Ia tom•bimonganiara, A•chikku aro uni golporangko chel•chakna aro manina nangchongmotaniko mesoka.
Na·simang ia video-koba nina man·gen:
Na·simang iakoba poraina man·gen: OIL, Dhemaji-ni Kobu Chapori-o hydrocarbon donga ine sandie nikaha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
