Shillong, Feb 7: Budhbar salo, International Water Conclave-ko, Meghalaya-ni Water Resources Minister, Coming One Ymbon mongsonggipa sokgipa ong•enba, State Convention Centre Shillong-o a•bachengate on•angaha. Ia program-o dingtang dingtang susaanikoba ong•atangaha jekai, rong nonganichi noksa salsusaani, quiz aro chiko ripinge rakkienggipa biaprangko jachipchang ra•susaanirangan ong•achim.
A•dokni gamrangko ripinge rakkiani gimin aganengon, Meghalaya-ni Additional Chief Secretary, Dr. Shakil P Ahammed, ong•telaigipa gamrangko aro chirangko ripinge rakkianio gisik nanggiparang ong•china gita chadamberangko didian baksa, mikkangchi namgipa janggi tanganiko man•a gita, an•tangan daito ra•giparang ong•na nanga inenba aganangaha.
Unbaksana, an•chingni pagitchamrang chiko aro ong•telaigipa gamrangko ripinge rakkibaani giminsa da•alo an•ching kusi ong•e namgipa janggi tanganiko tangna man•enga. An•chingni a•gilsakko simsake rakkijaode, an•chingni gamrangko chelchaksojaode, re•baenggipa chasongrango bang•a neng•nikanirangko chagrongna nanggen ineba ua aganaha.
Indake , 2040 bilsirango man•gni chirangni gimin aganan baksa, chi rangko komie jakalani, chiko jakaltaitaiani aro a•songni ong•telaigipa gamrangko gamchate ra•ani gimin Ymbon aganangaha. Ua, nambata a•songko rikna gita chadamberangko didiatan baksa, ia program-o bak ra•enggipa sakantikon mitelpilskaaniko dakangaha.
Iakoba poraie nina man·gen: PMKSY-WDC 2.0-ni cheque-rangko a•dokni CM, SHG-rangna sualata
Watch
