Shillong, July 4: Ru•utgija salrangna skang ong•atanggipa International Week-ni somoio IIM-ni chatro chatrirang Meghalaya-ni apalbegipa jatni dakbewalko ong•atanio bakrimpaaniko dakangaha. Meghalaya Tourism-ni dakchaknichi IIM Shillong-ni gita iako anti-gimikna ong•atangani miksonganiara iano bak ra•pagipa sakantini gisepgriko dingtang jatrangni dakbewalrangni gimin u•ie ra•an baksana jatsa jatgipinni dakbewalrangko gamchatnikchina miksonganio ong•atangaha.
Ia International Week-ko, Jaintia Hills-ni aiao inmanpile nitobegipa Tyrshi Falls ba dareona re•anganichi a•bachengataha. Iano bak ra•pagipa sakantian ia dareni ka•mabatgipa biapona sokna gita kosakchina gongdole tarigimin dolongko battangenba, tangsekarigipa mi a•palko re•pakangna gita nangachim. Tyrshi Falls ba dareni chirang bang•e ontimeako Pynthor Nein gita niaton kosakchini dud ruatenga gita chacha nina nitobegipa ong•achim.
Uamangni re•roroe am•sandie nianiko dakengmiting somoion, chatro chatrirang, jatni dakbewalko rakkiani aro dingtang dingtang jatrangni apsan ku•cholsan ong•anina namen mingsingako man•gipa Behdienkhlam Festival-ko manianio bakrimpaangaha. Uamang jatni bang•a daka rikanirang jekai, wa•a ro•e songe dongiparangko dokenba namgijagipa janggi silchirangko a•rikanirangkoba dakangaha.
Jatni dakbewalrangko u•ie ra•aniko apalbatatani bak gita ia chatro chatrirang Shillong-o Monolith-ni gamchatanikoba nianiko dakangaha. Ia skang chasongni ro•ongrangni bimang biap gimiko priprae donganiara, ong•telaigiparangni nitoani aro gamchataniko mesoka.
International Week, poraiani cholkosan ong•aigija, pangkamgipa nangrimataniko ra•baan baksana a•song gipinni chatro chatrirang aro jolo songdonggipa jatrangni gisepgriko mande ra•grikaniko dakatenba, ia chasongo jatsa jatgipin baksa nangrimatanio namgipa ja•ku de•aniba ong•a.
Na·simang ia video-koba nina man·gen:
Na·simang iakoba poraina man·gen: Education Minister-ko kam watchina dabie chatro chatrirang jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
