Guwahati, Apr 7: Internet-ni chasongo bi•sarangni bilko chel•chakna gita Sombar salo Assam a•dokni Police-rang, ‘Sishu Mitra’ program-ni ning•o dingtangmancha ‘Infantia’ minggipa jinma agan-chanchirimani program-ko Guwahati songjinmani Novotel-o ong•atangaha aro ia program-ko ong•atanio, dingtang dingtang skulni chatro chatrirang, skigiparang aro ma•a paarangba bak ra•angtokaha.
Ia program-ko Assam Police, PIIR Foundation baksa nangrime ong•atangaha aro ia program-ko ong•atanio UNICEF India-ba dakchakanirangko on•aha.
Ia program-ko ong•atani bidingo, Assam a•dokni Director General of Police (DGP) Harmeet Singh, talate on•angengon, internet-ni chasongo bi•sarangna on•gimin bilrangko chel•chakna nangenga ine aganaha.
COVID sajinmani ja•man bi•sarang bang•batan internet-rango gisik on•battokaha ine janapatengon, iani giminsa manderangni gisepo bi•sarangni internet jakkalaniko simsakbatatna nangengani gimin ia program-ko Assam Police a•bachengataha aro ian India a•songosan ong•aigija Asia gimikon skanggipa ong•enga ine Singh aganaha.
Ia program-ara, internet-ni bidingo bi•sarang baksa agangrikchina ma•a paarangko, skigiparangko aro songsalni manderangko didina ong•atgipa program ong•a ineba Assam-ni DGP aganaha.
Ia program-ko ong•atanio, Bollywood actor Neha Dhupia baksaba agangrikna cholrangko man•aha aro ua bi•sarangni internet-ko jakkalani bidingo agan-talatanirangko on•angaha.
Na·simang ia video-koba nina man·gen:
Na·simang iakoba poraina man·gen: Tripura-ni CPI-M politburo-o gitcham Skotong Minister Manik Sarkar-ni biapko Jitendra Choudhury ra·skaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
