Ampati, Dec 3: International Day of Persons with Disabilities (PwD) ba be•enni gita cholgri ong•gipa manderangni salko Mongolbar salo, South West Garo Hills District Social Welfare Office-ni gita Rerapara C&RD Block ning•o donggipa Dobol Lake English School-o maniangaha aro ia salko manianio be•enni gita cholgri ong•gipa manderangoni sak 180-na baten bak ra•angtokaha.

Tom•a a•bachengao, rimchaksoani kattarangko Ampati-ni District Social Welfare Officer Zanera Marak aganangaha aro ia tom•anio, Mellim PHC-ni Senior Medical & Health Officer Dr Norimchi R Marak, mongsonggipa sokgipa ong•e, tom•anio bak ra•giparangna aganprakengon, an•tangtangko an•seng baljoke rakkina gita rongtal an•talaniko rakkina nangani gimin agan-talatanirangko on•angaha.

Ia program-ko ong•atanio, Ampati DCPU-ni Legal-cum-Probation Officer Tanya Derimchi Ch Marak, be•enni gita cholgri ong•gipa manderangna on•gimin bilrangni gimin aro sorkarini on•enggipa dingtang dingtang namgnirangni gimin agan-talate on•angskaaha.

Ia tom•anio, be•enni gita cholgri ong•gipa mande saksa Salen Marak-ba an•tangtangni chagrongna nangrongenggipa neng•nikanirangko jinmana janape on•angenba, be•enni gita cholgri ong•gipa manderangna naljokani aro pilak cholrangkon on•na nangengani gimin aganangaha.

Ia salko manianio, be•enni gita cholgri ong•gipa manderangna dingtangmancha kal•susaanirangkoba ong•atangaha aro chegiparangna boksisrangko suale on•angaha.

Unbaksana ia salni bako, be•enni gita cholgri ong•gipa manderangna ka•saaniko mesokani chin gita dingtangmancha boksisrangkoba on•angaha aro be•enni gita porikka ra•e nianikoba dakangjolaha.

Na·simang ia video-koba nina man·gen: 

Na·simang iakoba poraina man·gen: BSF dolni gita Blood Donation Camp-ko ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub