23.8 C
Tura
spot_img

IPR Minister Pa James Sangma DIPR ni gital office nokko nokdonggae on·a

Must read

Shillong, Oct 22: Directorate of Information and Public Relations (DIPR)ni gital office nokko October 22 tariko Shillong ni Lower Lachumiere-o Information & Public Relations Minister Pa James P.K. Sangma nokdonggae on·angaha.

Ia gital nokchurako a·bachengatanichi, IPR department-ni dingtang dingtang cheksirang jekai press, publicity, publication, advertisement aro Meghalaya Integrated Information System (MIIS) baksana Regional Passport Seva Kendra aro Shillong Press Club (SPC)ni office-ko man·chape pilak kamrangon namgniko on·anggnok.

Ia gital nokchurako oprake on·angao, Sorkarini dingtang dingtang scheme-rang aro programme-rangko jinmana parakatanio aro manderangna ma·siate on·anirango namen gamchatgipa ong·gniko Pa Sangma aganaha. Department-ni dingtang dingtang cheksirangni gita manderangna nangchongmotgipa u·iatanirangko sokatna dondikgija kamrangko ka·engani giminba officer-rangko ua dingtangmancha de·mitelaha.

Da·oro manderangna jakkaltoaniko on·enggipa Digital aro Social Media-ni gita koborrangko ra·grikanirango gamchatani giminba ua agan-janapaha, jean iandake koborrangko watgrikani aro ra·grikanirang chasongni kri salsa-batbat dingtangrorobaanioba IPR department uamangni social mediako jakkalemangba nangchongmotgipa u·iatanirangko sokatanio maming daken ja·manchakjaha ineba aganaha.

Communication medium-ni gamchatani gimin agan-janaptaianio, gitalgipa media ni gita changa sapani rangko ra·gatanichi somaini kri kra-ma·gape koborrangko minggipin cholrangchi sokatna gita department-ni niksamsoe kamrangko ka·engani giminba ua aganaha.

spot_img

More articles

spot_img
-->

Latest article