Agartala, June 22: Iran a·songoni saksa aro Bangladesh a·songni sakgipinko man·chape, sakgni manderangko mija Butbar salo, Tripura Police, Amtali Police station-ni ning·ogipa aro Bangladesh simani sambajolo donggipa Agartala-ni a·palo Aswani bajaroniko rim·aha ine koborna u·iataha.
Uamangko rim·ani bidingo, Amtali Police station-ni SI, Pintu Biswas-ni koborna parakatani gita, ma·sina man·gijagipa sakgni manderangko Aswani bajaro nikani gimin koborko man·a tapan mobile patrol team-ko watataha aro uamangko rim·e sing·rikkianiko dakon saksa Iran a·songni aro sakgipinara Bangladesh-ni ong·a ine ma·sina man·aha aro songre-songgabatani maming lekkarang donggijaniko nike uamangko police station-ona rim·baaha aro mobile phone ge·sako uamangoniko sekaha.
Ia mamlani bidingo uamangni kosako mokordomako segataha aro Pakistan bobil dolrang baksa jak donga ba donggijaniko talna gita ning·tue sing·sandianirangko police-rang dakenga ine koboroniko knasoan baksa rim·ako man·giparanga Iran-ni Yakub Yazdanbakhsh, aro Bangladesh-ni Shahin Mondal ine ma·sina gita man·aha ineba koboro parakataha.
Iakoba poraie nina man·gen: Bijoliko man·na mikka chio pangchakaiachide chu·ongjawa ine skotong minister agananga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
