Shillong, July 30: Singapore-ni DS-SAR aro ge·dok gipin satellite-rangko ra·bite salgichi bildoangenggipa PSLV-C56-ko Indian Space Research Organisation (ISRO)-ni Robibar pringo watdoatani namen chu·sokgipa ong·aha.
DS-SAR satellite baksana ning·o gadochapanggipa sakdok manderangko rimbite PSLV-C56 satellite-ko pringni 6:31 bajimango Satish Dhawan Space Centre-oniko chu·soke bildochakatna man·ani ja·man, ISRO-ni Chairman S. Somnath, PSLV -ko watdoatani mission-o Singapore sorkarini dakchakaniko man·e iano bak ong·pagipa customer-rangko aro uamangni spacecraft-ko watdoatani kamo ISRO-o uamangni ka·donganiko rakkienganina dingtangmancha de·mittele aganangenba, ge·sni satellite baksana ning·o re·chapanggipa sakdok manderangko aro mongsonggipa satellite DS-SAR-ko ra·bite watdoatgipa PSLV-C56 -ko orbit-ni jakrachi chu·sokate donatna man·aha aro ian New Space India Limited (NSIL)-ni PSLV mission ong·a ine ua parakataha.
Ia chu·soke watdoatgipa DS-SAR satellite-ko Singapore sorkarini pal ong·e kamko ka·enggipa DSTA aro ST Engineering apsan nangrime tariaha.
Iakoba poraie nina man·gen: Assam-ni gital Assembly building-ko Lok Sabha Speaker nokdonggae on·a
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
