Shillong, Sept 28: Agartala-oni bilbaenggipa, Jagadguru Shankaracharya-ni sildorengko Shillong Airport-o ra•gatgimin niamo pangchake bilonchakna on•jani gimin, Supreme Court-o airport authority-rangni kosako badi ka•anggen ine ka•mikkenataniko dakangaha.
A•dokni administration aro Shillong Airport-ni Airport Director-ni ge•etgimin gita aro Meghalaya a•doko adita niamrangko ra•gatani a•sel Agartala-oni Shillong-ona scheduled ka•gija bilbagipa sildorengrangko bilonchakna gita on•jaengachim, inenba official saksa u•iataha.
Sukrobar salo, Gau Yatra-na Jagadguru Itanagar airport-ona sokbaahachim, indiba jinma jegalaniko dakani a•sel ua re•angpilna draatako man•aha.
Umroi-ni Shillong Airport-oba Jagadguru-ni re•baaniko raken jegalaniko dakna gita jinma tom•batokaha.
Dolni ku•wattimgipa, Raja Saksham Singh Yogi, a•doko niam rakkianiko man•dikatna sikjani gimin uamang Agartala-oni Guwahati-ona re•angpilengaha, indiba jamano uamang Shillong aro Agartala airport authority-rangni kosako bilonchakna on•gijanina niamni gita ja•ku de•anirangko dakanggen ine aganangaha.
Sukrobar salo Meghalaya a•dok sorkari, Chief Secretary DP Wahlang baksa tom•e chanchirimaniko dakenba, Sonibar salo cow protection group ba matchuko chelchakgipa dolni dilgipani bilbaenggipa sildorengko Umroi-ni Shillong Airport-o bilonchakna on•jachina gita Airport Authority of India (AAI)-na lekka sedoataha.
East Khasi Hills aro Ri-Bhoi a•jani District Administration-rangban cow protection rally ba re•jomaniko champengatna gita BNSS-ni Section 163-ko ra•gatataha.
Iani gisepon, Central Puja Committee (CPC) dolrangba cow protection group ba dolrangna chakja ine parakatan baksana, re•baenggipa October 2 tariko matchuko a•songni ma•gipa ine parakatna gita Shillong songjinmao re•jomaniko ong•atna am•anikoba nangnikja ine parakataha.
Na·simang ia video-koba nina man·gen:
Na·simang iakoba poraina man·gen: Jimbee mikka waanichi Sikkim-o bang•en a•a rua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
