Jowai, Sept 29: A·songni sin·a aro ding·ani dingtangroroenganio pangchake a·jao gama-ge·ani cholrangko dakani ba climate resilient agriculture-ni bidingo Jaintia Hills-ni Krishi Vigyan Kendra office, Laskein Block-ni ning·ogipa Nongkynrih songo Awareness programko Butbar salo ong·atangaha.
Jaintia Hills, KVK-ni Subject Matter Specialist (AH & Vety) aro programmme-ni chairman, Dr R. Suchiang, ia programona sokbagipa dingtang dingtang department-oni officialrang aro a·jani pilak game-ge·e cha·giparangko rimchaksoenba, programme-ni miksonganiko jinmana talate on·angaha.
Unbaksana, climate resilient technology-rangko ra·gate a·jao gama-ge·aniko dakani gimin manderangna ma·siate on·na gita a·songni Prime Minister Pa Narendra Modi, dingtang dingtang rokomni bitchilrangkoba a·bachengate on·aha ine Dr Suchiang parakataha.
Programo, Indian Council of Agricultural Research (ICAR)ni a·songo sin·a-ding·ani dingtangani aro cha·aniko chu·onga gita man·gijanio bang·a ra·bianirangko warachakna gita ia bilsi 2021-o a·bachengatgipa rokom 35 dingtang dingtang bitchilrangko Prime Minister’s Office (PMO)-chi a·bachengate on·anikoba parakatjolaha.
Programo a·jani game-ge·e cha·giparang baksana ia programko ong·atgipa department-ni officialrangba bakko ra·angaha. Iana agreba, programo, game cha·giparang aro gisik a·ning bitgiprangni gisepo agan-golpogrikanikoba ong·atangjolaha.
