Jowai, Nov 8: Sombar salo All Jaintia Muster Roll Workers & Labour Union (AJMRW&LU)-ni tom•aniko Yungwalieh, Dorbar Chnong Chiliangraij-o ong•atangaha aro ia tom•anio East aro West Jaintia Hills a•ja damgnionin Muster Roll aro Labour-rang bakko ra•angtokaha.Ia tom•anio AJMRW&LU-ni membor-rang apsan chanchirimangengon, Meghalaya Building & Other Construction Welfare Board-ni ning•o on•enggipa Meghalaya Regular Casual Worker (RCW) Scheme 1996-ko uamangnaba ra•gatchina dabina ine tik ka•angtokaha. Ia scheme-ko Muster Roll aro Labour-rangnaba ra•gatgenchimode, Education scholarship, Death Benefits, Insurance aro uandakgipa dingtang dingtang namgnirangko uamangba man•pagnokchim ine union-ni dilgiparang u•iataha.

Retirement age ba kamoni neng•takani bilsiko 58-oni 65-ona bariatna aro pension-ko on•china gitaba union-ni membor-rang ia tom•anio dabiangtokaha.

Ia dabianirangko December 10 tarikni gisepon chu•sokatna nanga ineba ia tom•anio union-ni membor-rang tik ka•e donangjolaha.