Shillong, Aug 23: Assam aro Meghalaya a•dokni simarango meligrikna man•jaenggipa biaprangko namatna gita a•dok damgnini gisepo da•o gnigipa changna agangrikaniko dakengon, a•dok damgnini simarango songdongenggipa Pnar manderangni giminba itihasrangko name am•sandichina gita Jaintia National Council (JNC), Jaintia Hills-ni dolgni regional committee-rangko didiangaha.

Iani bidingo kobor ra•timgiparangna talataniko on•angengon, a•dok damgnini simarango songdongenggipa Pnar manderangni gimin see rakkigipa lekkarangko man•jagenchimode, uamangni daka rikani aro janggi tangani bewalko niskana gita nanga ine JNC-ni president Sambormi Lyngdoh parakataha.

Ia jolrango songdongenggipa Pnar manderang, Assam-chipakni ka•mikkenatanirangko man•na nangengama ine sing•anina aganchakaniko on•angskaengon, media-rangni parakani gitade, a•dok damgnini agangrikanio uamang an•tangtangni a•arangko Meghalaya a•dokna gimaatna nanggenchimode Manipur a•doko gita obostarangko chagrongna nanggen ine mitam Karbi dolrang parakmanaha ine Lyngdoh parakataha.

Ia jolrango songdongenggipa manderangna naljokaniko on•na gita chel•chakgipa sipai dolrangko ia biaprango bilakbate donatchina gitaba JNC, a•dok sorkariko didiataha.

Iakoba poraie nina man·gen: Chandrayaan-3 jajongo ong·ona siengaha

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub