Shillong, July 11: Adita salrangna skang, East Jaintia Hills a•jani Umpleng songo mande sakbriko so•otanio jak dongani gimin police-rang, mande saksako rim•aha.
Rim•a man•gipa mandeni bimingko da•o dipet police-rang parakna gita jechakskaaha.
East Jaintia Hills a•jani SP Giri Prasad-ni parakatani gitade, re•anggipa July-ni 6 tariko, mande sakbrini manggisirangko Umpleng songo man•ani ja•man police-rang am•sandianirangko dakenba, ia mande sakbriko so•otanio jak donggipa mande saksako rim•na man•aha.
Ia mande sakbriko so•otanio jak donggipa gipin manderangkoba rim•na gita police-rang am•sandianirangko dakengkua ineba SP parakataha.
Re•anggipa July-ni 6 tariko, ia mande sakbrini manggisirangko Umpleng songoniko man•ahachim aro ia mande sakbrioni sakgittamde, Nepal a•songo donggipa Patha Elam-oni bilsi 23 ong•gipa Ravi Rai, East Jaintia Hills a•jao donggipa Dkhiah East Pohshnong-oni bilsi 33 ong•gipa Nazar Kyndait aro Nepal a•songo donggipa Dharan Sunsari, Koshi Anchal-oni bilsi 26 ong•gipa Rajesh Rai ong•a ine ma•sina man•ahachim.
Na·simang ia video-koba nina man·gen:
Na·simang iakoba poraina man·gen: Kam ka•e cha•enggipa gipin jatrangko doka satanina KSU-ni dilgipa saksako rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
