Shillong, July 10: Adita salrangna skang, East Jaintia Hills a•jani Umpleng songo so•ote galako man•gipa mande sakbriara drugs ba pekatgipa samrangko jakkalgipa aro badingsrukanio jak donggiparang ong•achimkon ine DIG (Eastern Range) Davis NR Marak, police-rangni chanchichipenganiko parakataha.
Marak-ni kobor ra•timgiparangna aganani gitade, ia mande sakbrini bidingo police-rang am•sandie nion, ia manderangara pekatgipa samrangko jakkalgiparang aro niam gri badingsrukanio jak donggiparang ong•na nanga ine chanchichipani ong•katahachim.
Ia manderangko so•otanio jak donggipa manderangni giminba police-rang adita sakkirangko man•na a•bachengengaha aro ia manderangko bakan rim•na ka•dongenga ineba Marak parakataha.
Ia a•selni bidingo Special Investigation Team (SIT) am•sandianirangko dakenga aro DGP an•tangba iani bidingo gisiko nange kamko ka•enga ineba Eastern Range-ni DIG parakataha.
Re•anggipa July-ni 6 tariko, ia mande sakbrini manggisirangko Umpleng songoniko man•ahachim aro ia mande sakbrioni sakgittamde, Nepal a•songo donggipa Patha Elam-oni bilsi 23 ong•gipa Ravi Rai, East Jaintia Hills a•jao donggipa Dkhiah East Pohshnong-oni bilsi 33 ong•gipa Nazar Kyndait aro Nepal a•songo donggipa Dharan Sunsari, Koshi Anchal-oni bilsi 26 ong•gipa Rajesh Rai ong•a ine ma•sina man•ahachim.
Na·simang ia video-koba nina man·gen:
Na·simang iakoba poraina man·gen: Ma•branggipa matburingrangna simsak nirokgipa chadambeko gisik ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
