Jowai, Aug 24: Budbar salo, West Jaintia Hills a•jaoba National People’s Party (NPP)-ni bilsi 10 gapaniko maniangaha aro ia manianio Jowai constituency-ni MLA aro NPP-ni district president Wailadmiki Shylla, mongsonggipa sokgipa ong•e bakko ra•angaha.
Ia tom•anio Shylla, jinmana aganprakangengon, NPP-ko bilsi 10-na skangsan bikotahaoba da•o sak 21 MLA-rang, adita sak MDC-rang, Manipur-o sak 7 MLA-rang, Arunachal-o MLA saksa aro Lok Sabha baksana Rajya Sabha-oba MP sakprak dongaha ine parakataha.
NPP-ni national president aro Meghalaya a•dokni Chief Minister Conrad K Sangma-ko mittelpile aganangengon, Sangma-ni dilanichi district council-rangoba kim•kimgipa executive committee-rangko chalaina man•engaha ine Shylla parakataha.
