Shillong, Apr 23: Nangchongmotgipa lekka gri East Jaintia Hills a•jaona napsrukbagipa Bangladesh a•songni mande sakbongako Budbar salo, Jaintia National Council (JNC)-ni membor-rang rim•aha.
Ia manderangko JNC-ni membor-rang, East Jaintia Hills a•jani National Highway-oniko rim•na man•aha aro ia manderangko sing•sandion, jolo songdongenggipa manderangni dakchakanichi uamang, India a•songona re•napbaaha ine ku•rachakaha. Bangladesh a•songni manderangko India-ona re•napbana gita jolni manderang, sakprako gong 1000 aro 2000-ni gisepo ra•enga ineba rim•ako man•gipa manderang, JNC-na parake on•aha.
Rim•ako man•gipa manderangni parakani gitade, uamang East Jaintia Hills a•jani Umpleng jolo donggipa cement karkanao kamko ka•na miksonge re•baaha.
Ia manderangko sing•sandiani ja•man JNC-ni manderang, uamangko East Jaintia Hills a•jao donggipa Umtry-a-ni officer-in-charge-na pakwate on•ataha.
India aro Bangladesh a•songni simarang gita Bangladesh a•songoni napsrukbaenggipa manderangko name nirokjaenga ineba JNC-ni dilgiparang, Border Security Force (BSF)-ko matnangataha.
Tangka paisana iandake Bangladesh a•songni manderangko India-ona re•napbana dakchakenggipa manderangkoba JNC matnangataha.
Na·simang ia video-koba nina man·gen:
Na·simang iakoba poraina man·gen: Assam University-ni Professor aro uni nokdangni manderang Pahalgam-o ong·a obostaoni joka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
