Jaipur, Oct 13: Sonibar salo, Jaipur songjinmani Ajmer Road-o Sudarshanpura Pulia-chipakna re·angenggipa gari bolsa wa·al ching·gaoe, manderangna kenjagokataniko on·angaha ine official-rang u·iataha.
Official-rangni aganani gitade, ia gario wa·al ching·gaoani ja·man garini handbrake kam ka·jaha aro ia gari ramako rongrongange, ramao motorcycle salgipa mande saksako salgakeaha.
Gariko saltimgipa Jitendra Jangid-ni kobor ra·timgiparangna aganani gitade, Sodala jolo rama chukale tarigipao ua an·tangni gariko neng·takaha aro gari mikkangoni wal·ku ong·katako nikataha. Ua garioni ong·katon, garini handbrake kam ka·jae ia gariko ramako rongrongangaha ineba ua aganaha.
Ia gari, ramako rongongangenba, motorcycle salgipa mande saksako nangeaha aro gipin garirangba sale katna jotton ka·tokaha ineba official-rang u·iataha.
Ia a·selni bidingo kobor man·soani ja·man, 22 Godam jolni wa·al kimitgipa manderangko ua biapona watataha aro gario kamenggipa wa·alko kimitna man·aha. Rasong gnange ia a·sel ong·anio darangba janggiko gimaatna nangjaha ine official aganaha.
Na·simang ia video-koba nina man·gen:
Na·simang iakoba poraina man·gen: Gambegre jolo donggipa ramako tarina CM niea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
