Itanagar, Aug 25: Chadamberangko kal•susaanio bak ra•engon ka•dongbatatna aro kal•susaanio gisiko nanggiparangko ra•doaniko mesokani gita, Assam Rifles-ni Jairam Battalion, Robibar salo Jairam Garrison-ni Assam Rifles Football Ground-o Jairam Sports League-ko a•bachengatani salko ga•subee ong•atangaha.
Ia kal•susaaniko ong•ataniara, Assam Rifles dolni jolo donggipa robol kal•na changgiparangko ra•dona on•kange kam ka•aniko mesokan baksana jolo donggipa chadamberangni be•enni ranta ka•ani aro uamangni janggi tanganiko nambatatna miksonganiko mesoka.
Ia a•bachengatani salko manianio, dingtang dingtang mande ra•ako man•gipa kragipa manderang jekai 51 Nampong Circle-ni MLA, Laisam Simai aro Assam Rifles-ni Sector Commander-ba re•bae mikkim gnangbatataha.
Ia program-ko a•bachengatna skang, ua jolo songdongenggipa manderangni apalbegipa jatni dakbewal rikbewalrangko mesokani bak gita cultural program-rangkoba ong•atangaha.
Anti 3-na ong•atna sienggipa ia Jairam Sports League-ko ong•atanio, bilsi 8-oni bilsi 22 onggipa gisiko nanggipa sak 400 chadambe kal•susagiparangni bak ra•aniko nikangna gita man•gen.
Ia league ba kal•susaaniara chadamberangna an•tangtangni changa sapaniko mesokna gita chol on•ani ong•enga aro jean an•tangtangni kal•susaanio chu•sokaniko man•gen uamangna ge 100-na batpile medal-rangkoba donsoenga.
Assam Rifles dol, jolo tom•tom ong•ani aro namroro silroroaniko ra•bana on•kange kamrangko ka•engon, ia league-ko ong•atanichi uamang sipai dolrang aro jolo songdongenggipa manderangni gisepgriko meli nangrimaniko bilakbatatna ja•ku de•aniba ong•enga.
Na·simang ia video-koba nina man·gen:
Na·simang iakoba poraina man·gen: Be•en bimangni gita neng•nikaniko man•enggipa manderangna Narayan Limb and Calipers Fitment Camp-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
