Guwahati, Jun 13: Jammu & Kashmir a•dokni Doda a•jao sipai dolrangko chadrapgipa bobil dolni mande sakbrini noksarangko Police-rang salenba manderangna mesokataha aro ia manderangko rim•na dakchakgipanade gong lak 20 tangkako boksis dake on•gen ine parakataha.
Re•anggipa Mongolbar salo, Doda a•jani Bhaderwah jolo donggipa Chattergalla-o 4 Rashtriya Rifles aro Police-rangni check post-ko aro Budbar saloba Gandoh jolo am•sandienggipa sipai dolko bobil dake chakatgipa dolni manderang silchidarerangchi goe chadrapahachim aro iandake chadrapanio, police saksako man•chape gimik sakgni sipairang saknaanirangko man•na nangahachim.
Indake ong•engon, sipai dolrangko chadrapanio jak donggipa mande sakbrini noksarangko Jammu & Kashmir a•dokni police-rang salenba manderangna mesokataha aro ia manderang, Bhaderwah, Thathri, aro Gandoh-ni kosak jolrango donge ong•gija kamrangko ka•enga ine chanchichipenganiko Police official-rang parakataha.
Ia mande sakbrini bidingo u•iatgiparangna police-rang, sakprako gong lak 5 ka•e boksisko on•gen ineba police official-rang parakataha.
Re•anggipa Mongolbar waloba police-rang, Reasi a•jao bus gari bolsako chadrapanio jak donggipa mande saksani noksako salenba manderangna mesokataha aro ia mandeni bidingo u•iatgipana gong lak 20 tangkako boksis dake on•na parakatahachim.
Na·simang ia video-koba nina man·gen:
Na·simang iakoba poraina man·gen: Nagaland a•doko bilsi 20-ni jaman civic poll-ko ong•atna sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
