Shillong, Feb 18: Re•baenggipa February 21 tariko ong•atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-o, jat basegipa aro a•dokko bak dakna jotton ka•enggipa party-rangko jegalchina gita Mongolbar salo, National People’s Party (NPP)-ni national president aro Meghalaya a•dokni Chief Minister Conrad K Sangma didiangaha.
Mawsynram constituency-o NPP-ni candidate ong•e susaenggipa Alvin Sawkmie-na campaign ka•engmiting somoio Sangma, ia kattarangko aganaha.
A•doko songdongenggipa manderangni gisepo bak dakna jotton ka•enggipa party-rangko jegalchina didiangengon, dilgipako seokaniara a•songni niam bidiko manderangna on•gimin bilan ong•a aro ia MDC election-o Tribal manderangni pu•onani bilrangko darangba ra•sekna man•jawa ine NPP-ni president aganaha.
2019 bilsini KHADC election-o ku•rachakgimin gitan NPP-chi dilenggipa a•dok sorkari, sima jolrango songdongenggipa manderangna Balat-Dangar-Ryngku ramako tarie on•aha ineba Chief Minister aganaha.
NPP sorkari, manderangna ku•rachakatangko chu•sokatgipa ong•a ine janapatengon, World Bank-ni dakchakanichi gong crore 100-na batgipa Weloi-Mawsynram ramako da•o tariengaha ine Chief Minister parakataha.
2019 bilsini KHADC election-o jekai manderang, sorkarina pu•onahachim apsan daken ia changoba NPP-o bebera•e NPP-ni candidate-rangko seoktaichina Sangma didiangaha.
Ia jolrango songdongenggipa manderangni nangan somoirango bakrimaniko on•na aro ia jolrango pilakni gitan namroro silroroaniko ra•bana gitaba Chief Minister ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Ed Sheeran concert name matchota: M’laya-o tourism aro gipin rika cho•ani kamrangko tang•doatgen: Paul Lyngdoh
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
