Imphal, June 7: Manipur a•doko jatni ma•manti bosturang, jekai sika-koani, wata-chengani aro uandakgipa ma•manti bosturangko e-market gita dingtang dingtang biaprangona palatskana gita Sombar salo, Manipur Handloom & Handicrafts Development Corporation (MHHDC), Amazon company baksa MoU-o soi ka•grikangaha.
Manipur a•dokni Chief Minister N Biren Singh-ni parakatani gitade, Manipur a•doko jaktangchi tarigipa ma•manti bosturangko palna gita Amazon-ni gisiko nanganiko mesokaniara Manipur a•doko man•gipa ma•manti bosturangni dingtang ong•aniko mesokani ong•enga.
Manipur a•dokni bosturangko palna sim•na gita da•o Amazon dongahani gimin ba•ra doke aro wate chenge cha•enggipa manderang, an•tangtangni bosturangko altuen gipin biaprangona palatna man•gnok ineba Singh parakataha.
