Shillong, Sept 14: Da·o ong·enggipa Assembly tom·bimonganio, Khasi aro Garo ku·sikrangko 8th Schedule-o napchapatani bidingo aganchakanganio, Meghalaya-ni skotong minister Pa Conrad K Sangma, Garo aro Khasi ku·sikrangko jakkale agan-talatanirangko on·angenba Butbar salo ma·ambiko tariaha.
Maiba dingtangmanchani gimin agan-jera ra·grikanirangko dakmitingo aganna nangnikgipa ku·sikrangko jakkalna cholko on·na nanga jean a·doko jakkalenggipa ku·sikrangko tang·doatanina mikkangchi namgniko ra·bagen ine ua parakataha.
Pa Sangma-ni aganangkuani gita, assembly tom·ao maiba dingtangmanchani gimin agan-jera ra·grikaniko dakmitingo a·jatango aganronggipa ku·sikko jakkale agananichi Meghalaya-o songdongkamgipa jatgittamni aganenggipa ku·sikrangko man·chapatani aro ra·chakatani kattarangko sokatna gita man·gen ine parakataha.
